Бұл бейнежазбаны Kaspi Bank банктің әлеуметтік жарнамалық науқаны аясында түсірді. Науқанның негізгі мақсаты – қоғамға бір адамның өзі де қоғамды өзгерте алатынын жеткізу.
Банк Қазақстанның өз алдына кейде мүмкін еместей көрінетін мақсаттар қойып, оларға қол жеткізген батырлары – спортшылар, мәдениет және білім саласының өкілдері туралы бейнероликтердің тұтас сериясын түсірді. Біз туралы түсірілген бейнероликтің кейіпкері – біздің анамыз Ескожина Туяк Қазкенқызы болды.
Бір минуттық жарнамалық бейнероликтен бөлек, түсірілім тобы кейіпкердің тарихы мен өміріндегі маңызды оқиғаларды кеңінен ашатын қосымша бейнематериал да түсірді. Біздің жағдайда бұл – тәрбиеленушілеріміздің сұхбаты болды. Олар өз тағдырлары, жетістіктері және болашақтағы армандары туралы әңгімеледі. Сұхбатқа әскери қызметкер, кәсіпкер, мұғалім болған, киноға түскен және шетелде білім алған біздің түлектеріміз қатысты.
Балалар үйіміздің басты міндеттерінің бірі – балаларға ата-ана болу дағдыларын үйрету. Ата-ана мейірімінен айырылып өскен жетім балалар кейін өз балаларына қалай қамқорлық жасау керектігін білмеуі мүмкін. Біз осы жағдайды өзгертуге тырысамыз және тәрбиеленушілерімізді өз балаларына қамқор болуға, оларды тәрбиелеуге үйретеміз.
Бұл бейнероликке отбасылы жұптар және жай ғана аналар (олардың жұбайлары бар, өз балаларын тәрбиелеп отыр) қатысты.
