«Бота» ҚҚ қолдауымен біз «ҚазТехПром-Сервис» ЖШС-нен тамшылатып суару жүйелерін сатып алдық.
Тамшылатып суару жүйесінің артықшылықтары:
- Өнімділікті 2–3 есеге арттыру.
- Тауарлық өнімнің шығымын 90%-ға дейін жеткізу.
- Су мен тыңайтқыштарды үнемдеу.
- Суару кезіндегі өндірістік және еңбек шығындарын азайту.
- Судың аз мөлшерде берілуі жер асты суларының ластануын болдырмайды, яғни топырақтың қайталама тұздануына жағдай жасалмайды.
Сонымен қатар, суару кезінде де қатар аралықтары құрғақ болып қалады. Бұл арамшөптердің өсуін азайтып қана қоймай, суару жұмыстары жүріп жатқан кезде өсімдіктерді күту немесе өнімді жинау сияқты жұмыстарды жүргізуге мүмкіндік береді.
Бұл суару әдісінде өсімдіктердің жапырақтарына тамшы түріндегі ылғал түспейтіндіктен, зиянды саңырауқұлақтардың спораларының өну ықтималдығы төмендейді және дақылдардың жалпы фитосанитарлық жағдайы жақсарады.
Бұл жүйенің мүмкіндіктері мұнымен шектелмейді. Тамшылатып суару жүйесі арқылы алқапқа минералды тыңайтқыштармен қатар жүйелік инсектицидтерді, мысалы, «Актара» немесе «Конфидорды» беруге болады. Сонымен бірге тамшылатып суару жүйелері арқылы биологиялық препараттар мен гуминді тыңайтқыштарды беру тәжірибесі де бар.
Біздің міндетіміз – балаларға тамшылатып суару жүйесін монтаждауды және пайдалануды үйрету. Болашақта олар алған білімдері мен дағдыларын пайдалана алады. Олар өздерінің ауыл шаруашылығы өндірісін ұйымдастыра алады немесе тамшылатып суару жүйелерін орнату және осы салада кеңес беру қызметтерін көрсете алады.
