3 қаңтардан бастап «Нұр» және «Ковчег» балалар үйлерінде «Нұр» қайырымдылық отбасылық балалар үйінің базасында «Жас агрономдар мен фермерлер станциясы» кәсіптік бағдар беру үйірмесін ұйымдастыру жобасы басталды. Жобаны «БОТА» қоғамдық қоры қаржыландырады.
Жобаның мақсаты: Талғар қаласындағы екі балалар үйінің 12–18 жас аралығындағы 50 тәрбиеленушісінің кәсіби және өмірлік дағдыларын дамыту.
1-міндет. «Нұр» және «Ковчег» балалар үйлерінің 50 тәрбиеленушісін фермерлік іс пен ауыл шаруашылығы технологияларына үйрету.
- «Жас агрономдар мен фермерлер станциясы» үйірмесінде теориялық сабақтар ұйымдастыру.
- Бақша-учаскесінде практикалық сабақтар өткізу: жеміс ағаштары мен көкөніс дақылдарына арналған заманауи суару жүйесін ұйымдастыру, заманауи агротехнологияларды қолдана отырып көкөніс дақылдарын отырғызу, сондай-ақ ауладағы жер телімін күтіп-баптау, арамшөптерді жою, суару және зиянкестермен күресу.
2-міндет. Балалар үйлерінің 50 тәрбиеленушісіне агробизнес негіздері, экономикалық және қаржылық сауаттылық бойынша семинар-тренингтер өткізу.
3-міндет. Балалар үйлерінің 50 тәрбиеленушісіне тиімді қарым-қатынас жасау дағдыларын дамыту және көшбасшылық қасиеттерді қалыптастыру бойынша психологиялық тренингтер өткізу.
КҮТІЛЕТІН НӘТИЖЕЛЕР
- 50 тәрбиеленушінің ауыл шаруашылығы саласындағы мамандықтарды игеруге қызығушылығын арттыру; жұмысқа орналасуға және ауыл шаруашылығы жоғары оқу орындарында грантқа түсуге деген сенімділігін нығайту; әлеуметтік өзара әрекеттесу және балалар үйіндегі мүмкіндігі шектеулі балалардың қоғамға кірігу мүмкіндіктерін кеңейту.
- 50 тәрбиеленушінің экономикалық және қаржылық сауаттылық деңгейін арттыру, олардың әлеуметтік бейімделуін, әлеуметтік қорғалуын және болашақта жұмысқа орналасу мүмкіндігін күшейту.
- 50 тәрбиеленушінің әлеуметтік бейімделу деңгейін арттыру, болашақта кәсіпкерлікпен табысты айналысу үшін көшбасшылық қасиеттерді дамытудың маңыздылығын түсіндіру және өз күшіне деген сенімін нығайту.
- Мектеп оқушылары үшін ашық есік күндерін өткізіп, жобаның нәтижелерін көрсету. Бұл тәрбиеленушілердің презентация жасау және коммуникациялық дағдыларын дамытуға мүмкіндік береді.
